ဒီဆောင်းပါးကတော့ စာလုံးပုံစံ စီစဉ်ရေးသားနည်း (Typography) ရဲ့ ဒုတိယမြောက်ဆောင်းပါးဖြစ်ပြီးတော့ ဒီဆောင်းပါးမှာပါတဲ့အချက်အလက်တွေကို လွယ်လွယ်ကူကူ နားလည်နိုင်ဖို့ ဆိုရင်တော့ ပထမ ပိုင်းကို အရင် ဖတ်ရှုဖို့လိုပါလိမ့်မယ်ခင်ဗျ။ ပထမပိုင်းကိုတော့ ဒီနေရာမှာ သွားရောက်ဖတ်နိုင်ပါတယ်ခင်ဗျ။

စာလုံးတွေအကြောင်းပြောမယ်ဆိုရင် ကျွှန်တော်သတိရမိတာကတော့ ကျွှန်တော် ဒီဇိုင်းကို စလုပ်ခဲ့တဲ့ ၂၀၀၇၊ ၂၀၀၈ လောက်ကဆို ကျွှန်တော်တို့ ကွန်ပျူတာအတွက် စာလုံးပုံစံလိုချင်တယ်ဆိုရင် မြို့ထဲက National မှာသွားပြီးရှာရတာပါ။ အင်တာနက်ဆိုတာလည်း 256kb/s ကို တစ်ဆိုင်လုံးဝိုင်းသုံးကြတဲ့ခေတ်ပေါ့။ အဲလိုဝယ်တဲ့ အချိန်မှာ ကျွှန်တော်သိချင်တာတစ်ခုက ခွေတစ်ခွေမှာ စာလုံးပုံစံ တစ်ထောင်ကျော်ပါတော့ ဒီလောက်များတဲ့ဟာတွေကို ဘယ်လိုမျိူးတွေများသုံးကြပါလိမ့်ပေါ့။ ဒါပေမဲ့ နောက်ပိုင်းတော့ ဒီဇိုင်းနဲ့ ဆိုင်တဲ့ စာအုပ်လေးတွေ ဖတ်ရာကနေတစ်ဖြည်းဖြည်းနဲ့  အဲ့အဖြေကို ရလိုက်ပါတယ်။ ဒါကြောင့် စာလုံးဒီဇိုင်းတွေ အမျိူးအစားတွေနဲ့ ပတ်သတ်ပြီး မရှင်းတဲ့သူတွေရှိရင်တော့ ဒီဆောင်းပါးလေးက အထောက်အကူပေးနိုင်မယ်လို့ မျှော်လင့်မိပါတယ်။

လူသားတွေဟာ ကျောက်ခေတ်ထဲက လှိုင်ဂူတွေထဲမှာ ပုံရိပ်တွေရေးဆွဲရင်းက တစ်ဆင့် တစ်ဦးနဲ့ တစ်ဦး ဆက်သွယ်ရေးကို လုပ်လာရာကနေ ၁၅ ရာစုရောက်လာတဲ့ အခါမှာတော့ ကျွှန်တော်တို့ ဒီနေ့ ခေတ်မှာသုံးတဲ့ စာလုံးပုံစံတွေကို စတင်အသုံးပြုလာကြပါတယ်။ ဒီနေ့ခေတ်သုံးနေတဲ့ စာလုံးတွေမတိုင်ခင်မှာ ပထမဆုံးအနေနဲ့  ဂူတွင်း ပုံရိပ်စာ၊ ပြီးတော့ ခရစ်တော်မပေါ်ခင် နှစ် ၃၂၀၀ လောက်က မြေထဲပင်လယ်ထဲက ဖိုနီစီရမ် (Phoenician) လူမျိူးတွေရဲ့  အက္ခရာ(ခုတော့ ဆီးရီးယားရှိတဲ့နေရာ)  ၊ ပြီးတော့ ဂရိအက္ခရာ၊ ပြီးတော့ လက်တင်အက္ခရာ နဲ့ နောက်ဆုံးမှာတော့ ကျွှန်တော်တို့ သုံးနေတဲံ အက္ခရာ စသည်ဖြင့် အဆင့်ဆင့် ပြောင်းလဲခဲ့တာဖြစ်ပါတယ်။

 

 

ဒီနေ့ခေတ်မှာသုံးနေတဲ့  စာလုံးတွေကို အဓိကအားဖြင့် ( ၄ ) မျိူးခွဲခြားထားပါတယ်။ အဲ့ဒါတွေကတော့

၁) Serif Type ( အနားသတ်ပါတဲ့ စာလုံး)
၂) Sans Serif Type ( အနားသတ်မပါတဲ့စာလုံး)
၃) Script Type ( လက်ရေးဆက် စာလုံး)
၎) Decorative ( အလှဆင် အမျိူးအစား) ရယ်ဆိုပြီး ( ၄ ) မျိူး ခွဲခြားထားပါတယ်။

စာလုံးပုံစံတွေနဲ့ ပတ်သတ်ပြီး အသေးစိတ်ခွဲခြားတဲ့ အဆင့်မှာတော့ မတူညီတဲ့ စံသတ်မှတ်ချက်အချို့ ရှိပေမဲ့လည်း ဒီခွဲခြားမှုကိုတော့ အများစုက လက်ခံပြီး လွယ်ကူစွာနဲ့ လည်း မှတ်မိလွယ်တဲ့ခွဲခြားမှုပုံစံဖြစ်ပါတယ်။

Serif Type ( အနားသတ်ပါတဲ့ စာလုံး)

အနားသတ်ပါတဲ့ စာလုံးတွေကတော့ ဒီအမျိူးအစား ၄ မျိူးမှာ အစောဆုံးဘဲဖြစ်ပါတယ်။ ဒီအမျိူးအစားကိုတော့ ရောမခေတ်က ကျောက်စာတွေမှာ ထွင်းပြီးအသုံးပြုခဲ့ရာကနေစတင်ခဲ့ပါတယ်။ သူ့ရဲ့စတင်ပုံကို ၂ မျိူးကွဲပြားပြီး သတ်မှတ်ကြပါတယ်။ပထမတစ်ခုကတော့ ၁၉၆၈ မှာ ဖာသာ အက်ဝက်ကက်တစ်ခ်ျ ( Father Edward Catich) ရေးသားထုတ်ဝေခဲ့တဲ့  အနားသတ်စာလုံးများရဲ့ ဇစ်မြစ် ( Origin Of Serif ) စာအုပ်အရဆိုရင် အဲ့ခေတ်က ကျောက်စာတွေကို မထွင်းခင်မှာ စုတ်တံနဲ့ အရာအရင်ပေးပါတယ်။ အဲအရာတွေကို ဆောက်နဲ့လိုက်ထွင်းရာကနေ ဖွာနေတဲ့ စုတ်ချက်တွေကြောင့် စာလုံးတွေမှာအနားသတ်မျဉ်းတွေ ဖြစ်လာတယ်ဆိုပြီးဆိုထားပါတယ်။ ဒါပေမဲ့လည်း လူတိုင်းကတော့ အပြည့်အ၀ လက်မခံကြပါဘူး။ နောက်တစ်နည်းကတော့ စာလုံးမျဉ်းတွေရဲ့ အောက်မှာ သေသပ်အောင်အနားသတ်မျဉ်းတွေကို လိုက်ထည့်ရာကနေဖြစ်လာတယ်ဆိုပြီးပါ။ ဒီနေ့ခေတ်နဲ့ အနားသတ်စာလုံးပုံစံ တွေနဲ့ အနီးစပ်ဆုံးပုံစံ အသုံးပြုခဲ့တဲ့နေရာတစ်ခုကတော့ အရင်ရိုမန်အင်ပါယာ ( ခု အီတလီ၊ ရောမမြို့ ) မှာရှိတဲ့ ထရာဂျန် ကျောက်တိုင် (Trajan Column) မှာဖြစ်ပါတယ်။ ဒါ့အပြင် ရောမမြို့ အနံ့ အပြားက ကျောက်စာတွေမှာလည်းတွေ့ နိုင်ပါတယ်။ အဲ့စာလုံးတွေကိုတော့ လေးထောင့်၊ အ၀ိုင်း၊ တြိဂံ စတဲ့ ပုံသဏ္ဍာန်တွေပေါ်မူတည်ပြီး ရေးထွင်းခဲ့တာဖြစ်ပါတယ်။

ဗဟုသုတတစ်ခုအနေနဲ့ ပြောမယ်ဆိုရင်တော့ အဲ့အချိန်ကသုံးတဲ့ အင်္ဂလိပ်စာ စာလုံးအရေအတွက်က ၂၄ လုံးပါ။ မပါတဲ့စာလုံး နှစ်လုံးကတော့ J နဲ့ U ဖြစ်ပြီး သူ့တို့ မပေါ်ခင်ကတော့ သူတို့နေရာမှာ I နဲ့ V ကိုအသုံးပြုခဲ့ပါတယ်။ ဒါ့အပြင် ကျွှန်တော်တို့ခုသုံးနေတဲ့ စာလုံးအသေးဆိုတာတွေလည်း မပေါ်သေးပါဘူး။ သူတို့တွေကိုတော့ ရောမအင်ပါယာပြိုကွဲပြီး တော့ ကာရိုလင်ဂျီယမ်း မင်းဆက်(Carolingian Dynasty) ကဥရောပကို ပြန်လည် စုစည်းတဲ့ အေဒီ ၇၈၀ လောက်မှာမှ ကိုဘီအက်ဘေးမြို့ (Corbie Abbey)  (ခု ပဲရစ်မြို့ကနေ ၁၅၀ ကီလိုအကွာလောက်) မှာရှိတဲ့ ဘုန်းတော်ကြီးတွေက စစ်ပြီးခေတ် ဗရမ်းဗတာဖြစ်နေတဲ့ စာလုံးအသုံးပြုပုံတွေကို စနစ်တကျဖြစ်ဖို့ရယ်၊ မြန်မြန်ရေးနိုင်ဖို့ရယ်နဲ့. စာရွက်ချွှေတာဖို့ ရယ်တွေအတွက် စတင်အသုံးပြုခဲ့တာဖြစ်ပါတယ်။ အဲ့လိုစာလုံးအသေးတွေကိုတော့  ကာရိုလင်ဂျီယမ်း စာလုံးအသေး(Carolingian minuscule) ဆိုပြီးခေါ်ပါတယ်။  ဒါကတော့ အနားသတ်ပါတဲ့ စာလုံးတွေ နဲ့ ပတ်သတ်တဲ့ အကြောင်းအရာ အကျဉ်းချူံ့ နဲ့ စာလုံးတွေနဲ့ပတ်သတ်တဲ့ ဗဟုသုတ အချို့ဖြစ်ပါတယ်။

အနားသတ်ပါတဲ့စာလုံးတွေကို အမျိူးအစားအားဖြင့် အခြေခံအားဖြင့် ( ၄ ) မျိူး ခွဲခြားနိုင်ပါတယ်။ အဲ့ဒါတွေကတော့ –

၁) Old Style ( ရှေးဟောင်းပုံစံ အနားသတ်စာလုံး)
၂) Trasitional ( ခေတ်ပြောင်း အနားသတ်စာလုံး)
၃) Neoclassical & Didone ( ခေတ်မှီ အနားသတ်စာလုံး)
၎) Slab ( အနားသတ်အပြား စာလုံး)

ဒီလိုစာလုံးတွေကို အမျိူးအစားခွဲခြားရာမှာ အချိန်ကာလအားဖြင့် ခွဲခြားတာရှိသလို ဟန်ပန်အရခွဲခြားတဲ့ Vox-ATypI လိုခွဲခြားမှု စံစနစ်တွေရှိပေမဲ့လည်း ခုဆောင်းပါးမှာရေးသလို အချိန်ကာလကို အခြေပြုပြီး ခွဲခြားတဲ့ပုံစံက စတင်လေ့လာသူတွေအတွက် ပိုမိုမှတ်မိလွယ်သလို အက္ခရာတွေတစ်ခုချင်ရဲ့ ဟန်ပန်ပြောင်းလဲပုံကိုပါလေ့လာနိုင်တဲ့ အတွက် အများစုကပိုမို လက်ခံကြပါတယ်။ ဒါပေမဲ့ဘယ်လိုဘဲခွဲခွဲ ဆိုလိုရင်းတွေကတော့ တူတူဘဲဖြစ်ပါတယ်။

၁) Old Style Serif ( ရှေးဟောင်းပုံစံ အနားသတ်စာလုံး)

ရှေးဟောင်းစာလုံးပုံစံတွေကို တော့ ပထမဆုံး  ရွှေ့လျားနိုင်တဲ့ ပုံနိုပ်စာလုံးနိုပ်စက်ကို ဂူတင်ဘတ်စ် စတင်တီထွင်ခဲ့တဲံအချိန်နဲ့ သိပ်မကွာတဲ့ ၁၄၆၅ ခုနှစ်လောက်မှာ စပြီး တီထွင်ခဲ့တာပါ။ ပထမဆုံး ပုံနိုပ်တွေမှာ စသုံးခဲ့တဲ့ စာလုံးအမျိူးအစားကတော့ အနားသတ်စာလုံးမဟုတ်ဘဲ လက်ရေးဆက်စာလုံးရေးဟန်ဖြစ်တဲ့ ရှေးဟောင်းအင်္ဂလိပ်စာလုံးမဲများ(Blackletter) စာလုံးပုံစံဘဲဖြစ်ပါတယ်။ ဒါပေမဲ့လည်း စာပိုဒ်တွေမှာဆိုရင်ဖတ်ရတာ အဆင်သိပ်မပြေတာနဲ့ မှင်ကုန်များတာတွေကြောင့် နောက်ပိုင်းမှာ ရှေးဟောင်းပုံစံ အနားသတ်စာလုံး (Old Style) အမျိူးအစားကို ပြောင်းလဲအသုံးပြုလာကြပါတယ်။ ၁၅ရာစု အလယ်လောက်ကစပေါ်ခဲ့တာဖြစ်ပေမဲ့လည်း ၁၉ ရာစုအစပိုင်းလောက်မှာ အသုံးပြုမှု ပိုမိုများပြားလာပြီး စာပိုဒ်တွေမှာသုံးရင် ပိုမိုလွယ်ကူစွာဖတ်ရှုနိုင်တဲ့အတွက် ခုထပ်ထိလည်း အသုံးပြုနေကြတုန်းဘဲဖြစ်ပါတယ်။

ရွှေ့လျားလို့ရတဲ့ ပုံနှိပ်စာလုံးစနစ်ကို အသုံးပြုပြီး ပထမဆုံးရိုက်နိုပ်ခဲ့သည့်  Gutenberg Bible ၏ သမ္မာကျမ်းစာအုပ်။ ဒီစာအုပ်မှာအသုံးပြုခဲ့တဲ့ စာလုံးအမျိူးအစားကတော့ အင်္ဂလိပ်စာလုံးမဲများ(Blackletter) စာလုံးပုံစံဘဲဖြစ်ပါတယ်။

 

ထင်ရှားသည့်  စာလုံးတည်ဆောက်ပုံ အင်္ဂါရပ်များ

ဒီစာလုံး အမျိူးအစားမှာဆိုရင်တော့ သူ့ကိုရေးသားတဲ့မျဉ်းတွေမှာ အထူအပါးကွာခြားချက်က နည်းပါတယ်။ ပြီးရင် ဆံချည်မျဉ်းလို့ခေါ်တဲ့ အပိုင်းက စာလုံးအက္ခရာရဲ့ ပိုထူတဲ့ အပိုင်းဘက်မှာရှိပါတယ်။ သူတို့ရဲ့ ၀င်ရိုးကတော့ နာရီလက်တံအရဆို ၁၀နာရီ ကနေ ၄ နာရီ လောက်မှာရှိပြီး ၀င်ရိုးရဲ့ ဆန့်ကျင်ဘက်ဖြစ်တဲ့ အက္ခရာရဲ့ အထူဆုံးမျဉ်းတွေကို ဆက်ရာကဖြစ်လာတဲ့ အမြင်ပိုင်းဆိုင်ရာမျဉ်းဖြစ်တဲ့ ဖိအားမျဉ်း ( Stress ) ကတော့ နာရီလက်တံအရဆိုရင် ၂နာရီ နဲ့ ၈နာရီ လောက်မှာရှိပါတယ်။ အနားဒေါက်တွေကတော့ အက္ခရာအားလုံးနီးပါးမှာပါဝင်ပြီး အပေါ်ဘက်မှာရှိတဲ့ အနားသတ်တွေဟာ စောင်းနေတတ်ပါတယ်။

 

ထင်ရှားသည့် စာလုံးအမျိူးအစားများ

လူသုံများတဲ့ ရှေးဟောင်းပုံစံ အနားသတ်စာလုံးတွေရဲ့ ထင်ရှားတဲ့ စာလုံးအမျိူးအစားတွေကတော့ Claude Garamond, Monotype Garamond, ITC Legacy Serif, Sabon Next စတာတွေဘဲဖြစ်ပါတယ်။ အဓိကအားဖြင့် Old Style စာလုံး အမျိူးအစားတွေကို စာအုပ်တွေရဲ့  စာပိုဒ်တွေမှာအသုံးပြုပေမဲ့လည်း Claude Garamond လိုစာလုံးမျိူးကို အမှတ်တံဆိပ်ဒီဇိုင်းတွေမှာလည်း အသုံးပြုတာကိုတွေ့နိုင်မှာပါ။ Old Style စာလုံးတွေရဲ့ အားနည်းချက်ကတော့ စာပိုဒ်အဆင့်အရွယ်အစားမှာဆိုရင် ပုံနိုပ်လုပ်ငန်းတွေနဲ့သာ ပိုမိုသင့်လျော်ပြီး ကွန်ပျူတာတို့ ဖုံးတို့ မှာဆိုရင်တော့ သူ့ရဲ့ ညီတော်ဖြစ်လာမဲ့ Trasitional ( ခေတ်ပြောင်း အနားသတ်စာလုံး) အမျိူးအစားလောက် တည်ဆောက်ပုံအရ အံဝင်ခွင်ကျသိပ်မဖြစ်ပါဘူး။

Old Style အသုံးပြုထားသော အမှတ်တံဆိပ်ဒီဇိုင်းများ

၂) Transitional Serif ( ခေတ်ပြောင်း အနားသတ်စာလုံး)

ခေတ်ပြောင်း အနားသတ်စာလုံးတွေရဲ့ အစပထမ ဇစ်မြစ်ကတော့ ၁၆၉ ၂  လူးဝစ်ဘုရင်-၁၄ လက်ထပ်မှာ တော်ဝင်ပုံနိုပ်တိုက်မှာ အသုံးပြုဖို့  ပြင်သစ်သိပ္ပံအကယ်ဒမီက တီထွင်ရေးဆွဲထားတဲ့ စာလုံးအမျိူးအစားဖြစ်တဲ့ ရိုမိန်းဒူရို ( Romain du Roi) လို့ခေါ်တဲ့ စာလုံးအမျိူးအစားဘဲဖြစ်ပါတယ်။ သူ့နာမည်ကတော့ ပြင်သစ်နာမည်ဖြစ်ပြီး သူရဲ့ အဓိပ္ပာယ်ကတော့ “ရိုမန်စာလုံးတွေရဲ့ ဘုရင်” လို့အဓိပ္ပာယ်ရပြီး နန်းတွင်းအတွက်အသုံးပြုမဲ့စာလုံးဆိုတာနဲ့ ဘုရင်ကိုလည်း ကိုယ်စားပြုတဲ့အနေနဲ့ ပေးထားတာပါ။ ဒီနေရာမှာ ဘာလို့ တီထွင်တယ်လို့ ပြောလည်းဆိုရင်တော့ ရှေးဟောင်းစာလုံးတွေကို ရေးဆွဲရာမှာ လက်ရေးလက်သားဟန်ကိုသာ တုပပြီး ရေးဆွဲလာကြပေမဲ့ ဒီစာလုံးကိုတော့ ဇယားကွက် ၂၃၀၄ ကွက်ပေါ်မှာ အခြေခံပြီး သိပ္ပံနည်းကျ ဂျီသြမေတြိပုံစံတွေကို အခြေခံပြီးရေးဆွဲထားလို့ဖြစ်ပါတယ်။ ခေတ်အရဆိုရင်လည်း ရိုိမိန်းဒူရို ပေါ်ပေါက်တဲ့ အချိန်ကာလဟာ ကမ္ဘာ သမိုင်းရဲ့  ဥာဏ်အလင်းပွင့်တဲ့ ခေတ်(Age of Enlightenment) ဖြစ်နေလို့ ဒီလိုမျိူး ရေးဆွဲခဲ့တာက သိပ်တော့ အံသြစရာမရှိပါဘူး။ ဒါ့ပေမဲ့လည်း ဒီလိုရေးဆွဲမှုဟာ ပထမဆုံးစီစဉ်ရေးဆွဲတဲ့ စာလုံးအမျိူးအစားမဟုတ်ဘဲ သူ့ရှေ့မှာ ၁၄၆၃လောက်က ရေးဆွဲခဲ့တဲ့ အဲဖာဘက်တန် ရိုမန်နမ်(Alphabetum Romanum) ဆိုတာရှိပါသေးတယ်။ ဒါပေမဲ့လည်း လူအများစုကတော့ ၁၈ရာစု အလယ်လောက်က အင်္ဂလိပ်ပုံနိုပ်ဆရာ နဲ့ စာလုံးစီစဉ်ရေးသားသူဖြစ်တဲ့ ဂျွှန်ဘက်စကာဗေးလ် ( John Baskerville ) ရေးဆွဲခဲ့တဲ့ ဘက်စကာဗေးလ် ( Baskerville ) စာလုံးပုံစံကို ပထမဆုံး Transitional စာလုံးပုံစံအနေနဲ့ လူသိများပါတယ်။ ဒါပေမဲ့လည်း ဘက်စကာဗေးလ် စာလုံးပုံစံဟာ ရိုမိန်းဒူရိုရဲ့ လွှမ်းမိုးမူတွေအများကြီး ပါဝင်တာကို တွေ့ နိုင်ပါတယ်။

 

ရိုမိန်းဒူရို ( Romain du Roi) စာလုံး၏ တည်ဆောက်မှု ပုံစံ

 

ထင်ရှားသည့်  စာလုံးတည်ဆောက်ပုံ အင်္ဂါရပ်များ

ဒီစာလုံးအမျိူးအစားမှာဆိုရင်တော့ ၀င်ရိုးမျဉ်း (Axis) က ဒေါင်လိုက်ဖြစ်လာပြီး သူ့ရဲ့ဆန့်ကျင်ဖက်ဖြစ်တဲ့ ဖိအားမျဉ်း(Stress) ကတော့ ရေပြင်ညီဖြစ်သွားပါတယ်။ စာလုံးတစ်ခုချင်းစီရဲ့  မျဉ်းအထူအပါးကွာခြားမှုက Old Style ထက်ပိုမိုသိသာလာပါတယ်။ အပေါ်ဘက်မှာရှိတဲ့ အနားသတ်မျဉ်းတွေကတော့ အစောင်းအနေအထားတိုင်းဘဲဖြစ်ပြီး အနားသတ်တွေမှာလည်း အနားဒေါက်တွေပါဝင်ဆဲပဲဖြစ်ပါတယ်။ ဒါပေမဲ့လည်း အနားသတ်မျဉ်းစောင်းတဲ့ ဒီဂရီကတော့ ပိုပြီးရေပြင်ညီနဲ့ နီးစပ်လာပါတယ်။ Old Style မှာလို C လိုအက္ခရာတွေရဲ့  အနားသပ်ထိပ်ပိုင်း(Terminal)က အပြားလိုက်စောင်းပုံစံမျိူးမဟုတ်ဘဲ တစ်ချို့စာလုံးအမျိူးအစားတွေမှာ  အလုံးပုံစံ အနားသတ်မျိူး စတင်သုံးဆွဲလာပါပြီ။

 

ထင်ရှားသည့်စာလုံးအမျိူးအစားများ

ခေတ်ပြောင်းအနားသတ်စာလုံး Transitional စာလုံးပုံစံထဲက ထင်ရှားတဲ့ စာလုံးအမျိုးအစားတွေထဲက အချို့ကတော့ Baskerville, Georgia, Americana, Bulmer, Perpetua, Romain du Roi တို့ဘဲဖြစ်ပါတယ်။ Georgia ကိုတော့ Old Style ဖြစ်တဲ့ Garamond အစား ကွန်ပျူတာ၊ ဖုန်းစတဲ့ ဖန်သားပြင်ကို အသုံးပြုတဲ့နေရာတွေမှာ စာပိုဒ်မှာသုံးတဲ့ စာလုံးအနေနဲ့ အစားထိုးအသုံးပြုကြပါတယ်။ လူသိများတဲ့ ၁၉၃၁ မှာစတင်ထွက်ပေါ်လာတဲ့ Times New Roman ကိုလည်း Transitional စာလုံးပုံစံလို့ သတ်မှတ်ရင်လည်းရပေမဲ့ သူက Old Style နဲ့ Transitional ရောထားတဲ့ စာလုံးအမျိူးအစားဖြစ်ပါတယ်။ ၁၈ ရာစုနောက်ပိုင်းမှာတော့ ခေတ်မှီအနားသတ် စာလုံးပုံစံ(Neoclassical) တွေ ခေတ်စားလာတဲ့ အတွက်Transitional စာလုံးပုံစံစစ်စစ်ကို နောက်ပိုင်းမှာ ဒီဂျစ်တယ်စာအုပ်တွေ ဆောင်းပါးတွေရဲ့  စာပိုဒ်တွေလောက်မှာသာ အများအားဖြင့် အသုံးပြုကြပါတော့တယ်။ အမှတ်တံဆိပ်အနေနဲ့ ကတော့ အသုံးပြုမှုတွေရှိပေမဲ့လည်း ထင်ရှားတဲ့ လုပ်ငန်းတွေမှာတော့ အမှတ်တံဆိပ်အနေနဲ့ အသုံးပြုမှုနည်းပါတယ်။

 

Transitional Serif ( ခေတ်ပြောင်း အနားသတ်စာလုံး) အသုံးပြုထားသော အမှတ်တံဆိပ်ဒီဇိုင်းအချို့

၃) Neoclassical & Didone ( ခေတ်မှီ အနားသတ်စာလုံး)

ဒီခေတ်မှီ အနားသတ်စာလုံးအမျိူးအစားကိုတော့ ၁၇၈၄ ခုနှစ်ဝန်းကျင်မှာ ဖီရ်မန်ဒီဒူ(Firmin Didot) က ပြင်သစ်မှာ စတင်အသုံးပြုခဲ့တဲ့ ဒီဒူ(Didot)စာလုံးကနေအစပြုခဲ့တာဖြစ်ပါတယ်။ ဒီစာလုံးပုံစံကတော့ ခေတ်ပြောင်းအနားသတ်စာလုံးအမျိူးအစားဖြစ်တဲ့ Baskerville စာလုံးကို အခြေခံပြီးရေးဆွဲခဲ့တာဖြစ်ပါတယ်။၁၈ရာစု နှောင်းပိုင်းမှာ ဂျီမ်ဘက်သစ်စတာဘဒိုနီ(Giambattista Bodoni) ကလည်း  Baskerville စာလုံးကို မှီငြမ်းပြီး  ဘဒိုနီ(Bodoni) စာလုံးပုံစံကို ရေးဆွဲခဲ့တာကနေ နောက်ပိုင်းမှာ ခေတ်မှီ အနားသတ်စာလုံးတွေကို အသုံးပြုမှုတွင်ကျယ်လာပါတယ်။။ ပထမစစ ရေးဆွဲတုန်းကတော့ ဂန္ထ္ထဝင်စာလုံးအမျိူးအစား ( Classic ) ဆိုပြီးသတ်မှတ်ခဲ့ပေမဲ့ ခေတ်အလိုက်အဆင့်ဆင့် မွန်းမံရေးဆွဲမှုတွေကြောင့် ၂၀ရာစုမှာတော့ ဘဒိုနီစာလုံးအမျိူအစားကို ခေတ်မှီစာလုံးအမျိူးအစား(Neoclassical) ဆိုပြီး ပြောင်းလဲ ခေါ်ဆိုလာကြပါတယ်။ ဒီစာလုံးအမျိူးအစားကို ပထမစစ ရေးဆွဲတုန်းကတော့ အဓိကအားဖြင့် ခေါင်းစီးပိုင်းတွေ နဲ့  ပိုစတာတွေနဲ့  မဂ္ဂဇင်းအဖုံးတွေ မှာအသုံးပြုဖို့ရေးဆွဲခဲ့ပြီး နောက်ပိုင်းမှာတော့ စာပိုဒ်တွေမှာသုံးတဲ့ အရွယ်အစားထိပါအဆင်ပြေတဲ့ Bodoni Old Face, ITC Bodoni အစရှိတဲ့ ပြုပြင်မွှမ်းမံထားတဲ့ စာလုံးအမျိူးအစားတွေထွက်ပေါ်လာခဲ့ပါတယ်။

 

ထင်ရှားသည့်  စာလုံးတည်ဆောက်ပုံ အင်္ဂါရပ်များ

ခေတ်မှီ အနားသတ်စာလုံးတွေရဲ့ စာလုံးတည်ဆောက်မှု ပုံစံအနေနဲ့ကတော့ စာလုံးတစ်ခုချင်းစီရဲ့ မျဉ်းအထူအပါးကွားခြားချက်ဟာ လုံးဝကိုသိသိသာသာ ဖြစ်လာပါတယ်။ ၀င်ရိုး(axis)ကတော့ သူ့အရင် ခေတ်ပြောင်းအနားသတ်စာလုံးလို ဒေါင်လိုက်ဖြစ်ပါတယ်။ အနားသတ်မျဉ်း(Serif) တွေဟာပိုမို ပါးလာပြီး အနားဒေါက်(Bracket) တွေကတော့ မပါသလောက်ဖြစ်သွားပါတယ်။ စာလုံးတွေရဲ့ ဒေါင်လိုက်မျဉ်းတွေဟာထူပြီး ရေပြင်ညီမျဉ်းတွေကတော့ ပါးပါတယ်။

ထင်ရှားသည့်စာလုံးအမျိူးအစားများ

ဒီစာလုံးပုံစံအတွက် ထင်ရှားတဲ့ စာလုံးအမျိူးအစားတွေကတော့ Bodoni, Didot, Walbaum, Marconi တို့ဘဲဖြစ်ပါတယ်။ ဒီစာလုံးအမျိူးအစားဟာ ခေါင်းစီးတွေ နဲ့ စာလုံးကြီးကြီးသုံးတဲ့ နေရာမျိူး အတွက်သာ ပိုအဆင်ပြေပြီး စာပိုဒ်တွေမှာဆိုရင်တော့ Old Style နဲ့. Transitional လောက်အဆင်ပြေမှာမဟုတ်ပါဘူး။ ဒါကြောင့် ဒီစာလုံးပုံစံကို စာပိုဒ်တွေမှာ အသုံးပြုတဲ့အခါမှာ ကိုယ်အသုံးပြုတဲ့စာလုံးအမျိူးအစားက စာပိုဒ်တွေအတွက် ပြန်လည်မွှန်းမံထားတဲ့ အမျိူးအစား ဟုတ်မဟုတ်ကိုတော့ သေချာသိသင့်ပါတယ်။ ကျွှန်တော့်အနေနဲ့ ဆိုရင်တော့ ဒီစာလုံးအမျိူးအစားကို ခေါင်းစဉ်ပိုင်းနဲ့ အမှတ်တံဆိပ်အပိုင်းတွေလောက် ဘဲအသုံးပြုမှာပါ။ အမှတ်တံဆိပ်ပိုင်းအနေနဲ့ ကြည့်မယ်ဆိုရင်တော့ သူ့ကိုဖက်ရှင် နဲ့ အထက်တန်းဆန်တဲ့ အမှတ်တံဆိပ်တွေမှာအသုံးများပါတယ်။

Neoclassical & Didone ( ခေတ်မှီ အနားသတ်စာလုံး) အသုံးပြုထားသော အမှတ်တံဆိပ်အချို့

၎) Slab Serif( အနားသတ်အပြား စာလုံး)

ဒီစာလုံးပုံစံကတော့ ၁၈ ရာစု အစောပိုင်းမှာ စတင်ပေါ်ပေါက်ခဲ့တာဖြစ်ပြီး ပထမဆုံး အနားသတ်အပြား စာလုံး အမျိူးအစားကိုတော့ ၁၈၁၀ ခုနှစ်မှာ လန်ဒန်မြို့က ထီလက်မှတ်ကြေငြာမှာ စတင်အသုံးပြုခဲ့တဲ့ Antique လို့ခေါ်တဲ့ စာလုံးအမျိူးအစားဖြစ်ပါတယ်။ ဒီစာလုံးအမျိူးအစားကတော့ အနားသတ်စာလုံးတွေရဲ့ ဆန့်ကျင်ဘက်ဖြစ်တဲ့ အနားသတ်မပါတဲ့ စာလုံးတွေနဲ့ ပုံသဏ္ဍာန်ခြင်းခပ်ဆင်ဆင်တူပါတယ်။ အင်္ဂလန်မှာတော့ သူ့ကို Antique လို့ခေါ်ပြီး အနားသတ်မပါတဲ့ စာလုံး(Sans-Serif) ကို တော့ Egyptian လို့ခေါ်ပါတယ်။ ဒါပေမဲ့လည်းကွဲပြားမှုမရှိတဲ့ သူတို့နှစ်မျိူးရဲ့ တည်ဆောက်ပုံကြောင့် အဲ့ဒီအခေါ်အဝေါ်တွေကို နှစ်ခုလုံးမှာ ရောထွေးခေါ်ဆိုလာကြတာကိုတွေ့နိုင်မှာပါ။ သူ့ ကိုလည်း ပိုစတာတွေ၊ ကြေငြာဆိုင်းဘုတ်တွေနဲ့  ခေါင်းစည်းပိုင်းတွေမှာလူတွေကို ဆွဲဆောင်ဖို့အတွက် ရေးဆွဲခဲ့တာဖြစ်ပါတယ်။ ဒီနေရာမှာ Slab Serif တွေကို တွေ့ရမဲ့ နောက်ထပ်ပုံစံကတော့ လေယာဉ်လက်မှတ်တို့ ရုပ်ရှင်လက်မှတ်တို့မှာ တွေ့ နိုင်တဲ့ စာရိုက်စက်က ရိုက်တဲ့စာလုံးပုံနဲ့တူတဲ့ အရွယ်အစားတူစာလုံးပုံစံ(အလျားအနံတူ)(Monospace) စာလုံးအများစုကလည်း ဒီ Slab Serif အမျိူးအစားထဲမှာပါဝင်တာကို တွေ့ နိုင်မှာပါ။

 

ထင်ရှားသည့်  စာလုံးတည်ဆောက်ပုံ အင်္ဂါရပ်များ

ဒီစာလုံးပုံစံအမျိူးအစားမှာတော့ စာလုံးမျဉ်းတွေဟာပိုထူလာပြီး စာလုံးတစ်ခုချင်းစီရဲ့ အထူအပါး ကွာခြားမှုဟာလည်း မရှိသလောက်ဖြစ်သွားပါတယ်။ အနားသတ်မျဉ်းတွေဟာလည်း ပိုမိုထူလာပြီး အနားဒေါက်တွေကတော့ လုံးဝမပါဝင်တော့တာ ( သို့ ) ပါတယ်ဆိုရုံလောက်သာဖြစ်သွားပါတယ်။ အနားသတ်မျဉ်းတွေနဲ့ စာလုံးရဲ့မျဉ်းတွေရဲ့ အထူအပါးကွာခြားချက်သိပ်မရှိတော့ လို့ ၀င်ရိုးမျဉ်းမရှိတော့သလိုဖြစ်ပေမဲ့ အသေးစိတ်ကြည့်မယ်ဆိုရင်တော့ ဒေါင်လိုက်အနေအထားနဲ့ ရှိနေတာကို တွေ့နိုင်မှာပါ။

 

 

ထင်ရှားသည့်စာလုံးအမျိူးအစားများ

ဒီစာလုံးပုံစံအတွက် ထင်ရှားတဲ့ စာလုံးအမျိူးအစားတွေကတော့ Rockwell, Clarendon, ITC Lubalin Graph, Baltica, Courier, Guardian Egyptian စတာတွေဘဲဖြစ်ပါတယ်။ အခြေခံတည်ဆောက်ပုံတူပေမဲ့ မတူညီတဲ့ဟန်ပန်တွေကြောင့် ဒီစာလုံးပုံစံကို အသုံးပြုတဲ့ စာလုံအမျိူးအစားပေါ်မူတည်ပြီး  နေရာအနံအပြားမှာအသုံးပြုတာကိုတွေ့ နိုင်မှာပါ။

 

Slab Serif( အနားသတ်အပြား စာလုံး) အသုံးပြုထားသော အမှတ်တံဆိပ်ဒီဇိုင်းအချို့

ဒါတွေကတော့ အနားသတ်စာလုံးပုံစံ (Serif Type) အမျိူးအစားနဲ့ ပတ်သတ်တဲ့ အကြောင်းအရာအချို့ဘဲဖြစ်ပါတယ်။ ဒီဆောင်းပါးရဲ့ အဆက် နောက်ထပ်အပိုင်းမှာတော့ အနားသတ်မပါတဲ့စာလုံး (Sans Serif Type) တွေ အကြောင်းကို ဆက်လက်ရေးသားပေးသွားပါမယ်ခင်ဗျာ။ ဒီဆောင်းပါးနဲ့ ပတ်သတ်ပြီး ဆွေးနွေးချင်တာရှိလည်း အောက်မှာရှိတဲ့ Comment မှာဝင်ရောက်ဆွေးနွေးနိုင်ပါတယ်ခင်ဗျာ။

အားလုံးဘဲ မင်္ဂလာရှိတဲ့နေ့လေးကို ပိုင်ဆိုင်နိုင်ကြပါစေခင်ဗျာ။